ޕާކިސްތާނުގެ ޕަންޖާބު ސަރުކާރުން އަމިއްލައަށް އިއުލާންކުރި ތިމާވެށީގެ ފުރަބަންދަށް ރައްޔިތުންގެ ތާއީދެއް ނުލިބުނެވެ. ޕަންޖާބުގައި ދުން ބޯވެ ނޭވާން އުދަގޫ ވުމުން ޗީފް މިނިސްޓަރ މަރްޔަމް ނަވާޒް ވަނީ ޚާއްސަ ފިޔަވަޅުތަކެއް އިއުލާން ކުރައްވާފައެވެ.
ގްރީން ލޮކްޑައުންގެ ނަމުން ތައާރަފް ކުރި ފިޔަވަޅުތަކަށް ރައްޔިތުން ވަނީ ފާޅުގައި ފުރައްސާރަކޮށްފައި ކަމަށް އެކްސްޕްރެސް ޓްރިބިއުން އިން ބުނެ އެވެ.
ދުން ބޯވުމުގެ ސަބަބުން ސްކޫލުތަކާއި އޮފީސްތައް ބަންދުކުރުމަށް މަޖުބޫރުވިއެވެ. އަދި ދުން އަރާތަންތަން ކޮންޓްރޯލު ކުރުމާއި ކޮންސްޓްރަކްޝަންގެ މަސައްކަތް ކޮންޓްރޯލު ކުރުމަށް ފިޔަވަޅުތައް އެޅިއެވެ.
