އިންޑިއާގެ ނަސްލުގެ ނާސާގެ އެސްޓްރޮނޯޓް ސުނީތާ ވިލިއަމްސް އަށް އިންޑިއާގެ ބޮޑު ވަޒީރު ނަރެންދްރަ މޮދީ ފޮނުއްވި ސިޓީގައި ވިދާޅުވީ، 1.4 ބިލިއަން އިންޑިއާ މީހުން އަބަދުވެސް ސުނީތާގެ ކާމިޔާބީތަކާ މެދު ވަރަށް ބޮޑަށް ފަޚުރުވެރިވާ ކަމަށެވެ. މޮދީ މިސިޓީ ފޮނުއްވީ މާޗް މަހުގެ އެއްވަނަ ދުވަހު އެވެ. އަދި އެމެރިކާއަށް ކުރެއްވި ދަތުރުފުޅުގައި ރައީސް ޑޮނަލްޑް ޓްރަމްޕާއެކު ބޭއްވެވި ބައްދަލު ކުރެއްވުމުގައިވެސް އޭނާގެ ހާލު ބެއްލެވި ކަމަށް އިންޑިއާ ސަރުކާރުން ބުނެފައި ވެއެވެ.
މި ސިޓީ އާންމުކޮށްފައިވަނީ ސުނީތާ ވިލިއަމްސް އާއި އޭނާގެ އެކުވެރިޔާ ބަޗް ވިލްމޯ އިންޓަރނޭޝަނަލް ސްޕޭސް ސްޓޭޝަނުން 17 ގަޑިއިރުގެ ދަތުރަކަށް ފަހު އެނބުރި ބިމަށް އައުމާ ގުޅިގެންނެވެ.
